Ailddefnyddio

Cyn ailgylchu rhywbeth, dylen ni ystyried a oes modd ei ailddefnyddio.

Mae'n bosibl ailddefnyddio llawer o bethau megis bagiau, dillad, jariau gwydr, llyfrau, cewynnau brethyn a dodrefn.

Y cwbl mae angen ei wneud yw eu hysbysebu’n rhad ac am ddim ar dudalen cangen leol Freecycle a bod yn barod i’w rhoi i bobl heb godi tâl. Yn ôl pob tebyg, fe ddaw rhywun i’ch cartref i’w nôl.  Cliciwch ar logo Freecycle i fanteisio ar y gwasanaeth.  Mae Freecycle yn ffordd wych o ddod o hyd i bethau mae eu heisiau arnoch chi, hefyd.

Ailddefnyddio yn y gymuned

Mae'r ffaith bod mwy a mwy o wefannau ar gyfer cyfnewid pethau dieisiau yn dangos bod pobl yn cydio yn y syniad o ailddefnyddio.

Mae llawer o fudiadau wedi'u sefydlu dros y blynyddoedd diwethaf i dderbyn pethau mwy o'r cartref megis dodrefn, eu hailwampio a'u hanfon i gartrefi newydd yn y gymuned.

Ailddefnyddio yn y cartref

Mae syniadau di-rif…  Gallwch chi olchi jariau a'u defnyddio i gadw pethau megis botymau a hoelion troi, er enghraifft:

• Mae'n bosibl defnyddio blychau prydau parod yn y rhewgell, yn aml.
  
• Gallwch chi roi taclau trydan megis sugnwyr llwch neu stereos i arbenigwyr i'w trwsio yn lle prynu rhai newydd, a chadw pethau o'r fath yn hirach yn lle eu taflu pan ddaw mathau newydd sbon ar gael.
  
• Dylech chi brynu pethau i'w hailddefnyddio megis cewynnau a hancesi yn lle rhai tafladwy.