Hoffi Bwyd, Casáu Gwastraff

Pam yr ydym ni’n gwastraffu’r holl fwyd yma?

Dyma’r ddau brif reswm pam y mae bwyd yn cael ei wastraffu:

1. Rydym yn coginio neu baratoi gormod o fwyd
2. Mae’r bwyd yn mynd ‘heibio’i ddyddiad’ neu rydym yn anghofio amdano ac mae’n mynd yn rhy hen

Y 5 prif fwyd a wastreffir yw ffrwythau a llysiau, cig a physgod, bara a chynnyrch pobi arall, cynhyrchion llaeth, reis a phasta.

Rydym yn taflu tomen anferthol o fwyd sy’n berffaith iawn. Bob dydd yn y Deyrnas Unedig rydym yn taflu:

• 7 miliwn tafell o fara
• 5.1 miliwn o datws cyfan
• 4.4 miliwn o afalau cyfan
• 2.8 miliwn o domatos
• 1.3 miliwn o botiau iogwrt heb eu hagor
• 1 miliwn sleis o ham

O’r holl wastraff bwyd y gellid fod wedi ei osgoi, mae ei hanner yn cael ei daflu oherwydd nad yw’n cael ei ddefnyddio mewn pryd (er enghraifft cyn y dyddiad a nodir ar y bwyd) neu nid oes ei angen bellach. Hefyd mae un o bob saith o’r eitemau hyn yn dal i fod yn eu deunydd pacio pan gânt eu taflu i’r bin.

Mae’n rhaid bod hynny’n gwastraffu llawer o arian?

Ydi, mae’r goblygiadau ariannol yn enfawr; yng Nghymru rydym yn prynu ac yna’n gwastraffu oddeutu £600 miliwn bob blwyddyn ar fwyd a diod y gellid bod wedi ei fwyta.

Ar gyfartaledd mae hynny’n £420 y flwyddyn ym mhob cartref. Mewn cartrefi lle mae plant mae’r swm hyd yn oed yn fwy, sef tua £610 y flwyddyn!!

Ewch i dudalen 3