Ffoniwch eich awdurdod lleol i gael gwybod beth y gallwch chi ei ailgylchu ac ymhle
Chwilio am fanciau ailgylchu
Arbed
Arbed gwastraff yw un o'r ffyrdd amryfal o gyfrannu.
O arbed gwastraff wrth brynu, byddwch chi'n siopwr craff!
Trwy brynu nwyddau sydd heb lawer o becynnau ac, o ganlyniad, heb gymaint o effaith ar yr amgylchedd, bydd llai o sbwriel yn eich bin a rhagor o arian yn eich poced. Dyma rai camau i greu llai o sbwriel:
- Dewis ffrwythau a llysiau rhydd heb becynnau na haenau pecynnu.
- Osgoi haenen lynu a phapur arian a defnyddio llestri cadw yn eu lle.
- Prynu batrïau y gallwch chi eu hailwefru.
- Ail-lenwi nwyddau lle bo modd, e.e. cyflyrwyr brethyn a thaclau aroglu.
- Prynu llaeth mewn poteli gwydr yn lle rhai plastig.
- Ystyried gwrthod bagiau plastig am ddim wrth siopa!
Ydych chi'n gwybod?
- Dim ond ar ôl 500 mlynedd y bydd bag plastig yn pydru mewn tomen.
- Rydyn ni'n defnyddio 10 biliwn o fagiau plastig bob blwyddyn.
- Pe baen nhw'n gorwedd benben, bydden nhw'n ymestyn i'r lleuad ac yn ôl bum gwaith.
- Mae 80% o bobl y DG yn rhoi popeth mewn bagiau plastig wrth siopa.
- Rydyn ni'n taflu 100,000 o dunelli o fagiau plastig yn y DG bob blwyddyn - maen nhw'n pwyso'r un faint â 70,000 o geir.
(Ffynhonnell: Recycle now)
Bagiau i'w hailddefnyddio
Peidiwch â derbyn bagiau plastig wrth dalu am nwyddau - ewch â bagiau go iawn ('bagiau am oes’) i'r siopau y tro nesaf.
Arbed ac ailddefnyddio
- Dylech chi brynu cewynnau a hancesi go iawn yn lle'r rhai tafladwy.
Ysgolion: O arbed papur, byddwch chi'n arbed arian
Papur yw'r rhan fwyaf o sbwriel ysgolion. Mae'n hawdd osgoi ei wastraffu.
Gallwch chi arbed hanner y papur trwy argraffu a llungopïo ar y ddwy ochr. Os nad oes modd gwneud hynny, beth am ddefnyddio'r ochr arall i godi nodiadau?
Yn ogystal â chwtogi ar y papur rydych chi'n ei ddefnyddio, cofiwch ei ailgylchu bob amser pan nad oes ei angen arnoch chi mwyach.
Cysylltwch â Thîm Ailgylchu'r Cyngor am ragor o wybodaeth am sut gallai'ch ysgol sefydlu cynllun ailgylchu.
Gallwch chi arbed rhagor trwy: