Ffoniwch eich awdurdod lleol i gael gwybod beth y gallwch chi ei ailgylchu ac ymhle

English

Mae modd ailgylchu dros 60% o wastraff cartrefi. O ailgylchu gwastraff, byddwch chi'n helpu i gwtogi ar faint sy'n cael ei gladdu.
Mae pawb yn y DG yn taflu cymaint â phwysau ei gorff o sbwriel bob 7 wythnos.
Yn y DG, rydyn ni’n taflu miliwn o dunelli o decstilau bob blwyddyn. Dillad yw 500 o’r tunelli hynny, a gallen ni ailgylchu o leiaf 50% ohonyn nhw.

Mae pawb yn y DG yn defnyddio tua 200kg o bapur y flwyddyn ar gyfartaledd;
Papur a chardfwrdd yw 40% o'r gwastraff i'w ailgylchu wedi'i gasglu o gartrefi'r DG;
Bob tro rydyn ni'n ailgylchu tunnell o bapur newydd, rydyn ni'n arbed 17 coeden;
O ailgylchu papur, byddwn ni'n arbed bron 80% o'r ynni mae'i angen i wneud papur o ddeunyddiau crai;
Dim ond saith diwrnod mae'u heisiau i droi hen bapurau a chylchgronau'n rhai newydd sbon.

Rydyn ni'n claddu tua 14 miliwn o boteli a jariau gwydr yn y DG bob dydd. Mae pob teulu yn y DG yn defnyddio tua 330 o boteli gwydr y flwyddyn. (Ffynhonnell: British Glass)
O ailgylchu potel/jar gwydr, byddwch chi'n arbed digon o ynni i ddefnyddio'ch cyfrifiadur am 20 munud;
Mae modd ailgylchu gwydr dro ar ôl tro – mae poteli wedi'u gwneud o wydr eildro cystal â'r rhai sydd wedi'u gwneud o ddeunyddiau newydd;
Mae hyd at 90% o boteli gwydr gwyrdd yn wydr eildro;
Mae'r gwydr rydyn ni'n ei ailgylchu yn y DG bob blwyddyn yn arbed digon o ynni i lansio 10 gwennol ofod;
Gallwn ni ailgylchu gwydr yn ddi-ben-draw. O'i ailgylchu, gallwn ni ddefnyddio'r adnodd yma dro ar ôl tro. O fethu â'i ailgylchu, byddwn ni'n colli adnodd gwerthfawr am byth gan y bydd y rhan fwyaf wedi'i chladdu mewn tomen. (Ffynhonnell: Wasteonline.org.uk)
Page 1|2