Gwastraff yr ardd

Mae 14% o'n sbwriel yn wastraff naturiol o'r ardd.

O'i gladdu mewn tomen, bydd yn gollwng methan – nwy tŷ gwydr sy'n deirgwaith ar hugain yn gryfach na charbon deuocsid.

Yn ffodus, mae tua 95% o awdurdodau lleol y Deyrnas Gyfunol yn casglu gwastraff o'r ardd i'w gompostio.

Pan ddaw'r gwastraff i'r safle compostio, byddan nhw'n tynnu unrhyw beth na allan nhw ei gompostio cyn falu'r gweddill a'i drefnu'n domen hir lle bydd yn pydru.

Byddan nhw'n troi'r compost yn aml i roi ocsigen i'r bodau byw bychain sy'n ei dreulio. Bydd hynny'n cyflymu'r broses.

Wrth bydru, bydd tymheredd y gwastraff yn cyrraedd tua 60 gradd C sy'n lladd unrhyw heintiau, chwyn ac afiechydon planhigion. Ar ôl iddo bydru'n llwyr, fe fydd modd defnyddio'r compost i wella pridd ffermydd neu erddi.

Ar y llaw arall, mae modd compostio gwastraff yr ardd gartref trwy ei gymysgu gyda phethau naturiol eraill megis croen llysiau a phecynnau grawnfwyd.

Cysylltwch â chyngor eich ardal i gael gwybod a yw'n gwerthu biniau compost yn rhatach.