Ailgylchu

Mae ailgylchu'n cwtogi ar y galw am ddeunyddiau crai. O adennill deunyddiau o hen nwyddau, fydd dim angen cloddio cymaint o ddeunyddiau crai.

Sumbolau newydd ar becynnau
Mae sumbolau newydd ar rai pecynnau bellach i ddangos sut dylech chi eu hailgylchu

• Ystyr ‘Widely Recycled’ yw bod cyfleusterau ailgylchu pecynnau o’r fath ar gael i 65% o bobl.

• Ystyr ‘Check locally’ yw bod cyfleusterau ailgylchu pecynnau o’r fath ar gael i 15% - 65% o bobl.
  
• Ystyr ‘Not recycled’ yw bod cyfleusterau ailgylchu pecynnau o’r fath ar gael i lai na 15% o bobl.
  
  I gael rhagor o wybodaeth, cliciwch yma.

Bydd y sumbolau’n eich helpu i benderfynu sut dylech chi ailgylchu amryw fathau o becynnau. Dylech chi weithredu yn ôl cyngor eich awdurdod lleol bob amser, fodd bynnag.

Defnyddiwch chwiliadur Cynllun 'Craff am Wastraff' i weld beth mae modd ei ailgylchu yn eich bro.

Os nad ydych chi'n ailgylchu'ch gwastraff, fe aiff i'r domen – sut wastraff!

Dyma'r ffigurau:

• casglodd awdurdodau lleol Cymru 1.57 miliwn o dunelli o wastraff trefol yn 2011/12.

Ble mae'n mynd?

• Mae 39% yn cael ei ailgylchu/gompostio (2009-10); Y mwyaf diweddar yn dangos ffigurau ar gael y gyfradd holl Ailgylchu Cymru a chompostio oedd 54% yn ail chwarter 2012/13 - rydyn ni'n gwella ond mae rhagor i'w wneud.

• Mae llai na 3% yn cael ei ddefnyddio ar gyfer gwres a thrydan.

• Mae oddeutu 51% yn cael ei gladdu o hyd. Dyw hi ddim yn gynaladwy trin sbwriel fel hyn am ein bod yn gwastraffu ynni a deunyddiau. Ar ben hynny, does dim digon o le.

• Mae amcangyfrif mai dim ond am y 7 mlynedd i ddod y bydd digon o le i barhau i gladdu gwastraff yng Nghymru!
  

Wrth gladdu sbwriel, rydyn ni'n colli adnoddau naturiol gwerthfawr ac yn gwastraffu costau'r ynni, y dŵr a'r cludiant wedi'u defnyddio i'w gynhyrchu yn y lle cyntaf. Yr unig ffordd gynaladwy o ddatrys y broblem yw ailgylchu'n gwastraff.

Mae pethau'n cael eu casglu ym mhob cwr o Gymru i'w hanfon i gyfleusterau ailgylchu deunyddiau. Gan fod pobl wedi glanhau deunyddiau o'r fath cyn eu bod yn cyrraedd y cyfleusterau, mae'n bosibl eu casglu fesul llwyth a'u cywasgu ymhellach cyn mynd â nhw i fannau i'w troi'n nwyddau newydd.  Po fwyaf o bobl sy'n ailgylchu gwastraff, mwyaf o ynni sydd i'w arbed yn lle ei ddefnyddio i gloddio deunyddiau crai.






Dolenni defnyddiol:

I gael gwybod rhagor am beth i'w ailgylchu a ble, defnyddiwch ein chwiliadur trwy roi'ch côd post ac enw'ch tref.

Rheoli Gwastraff Trefol

I gael gwybod pa wasanaethau 'ymyl y pafin' mae'ch cyngor yn eu cynnal, ewch at 'Yn eich ardal'.