Grwpiau rhanbarthol

Rheoli ein hadnoddau

Os na allwn dirlenwi, bydd rhaid i Gymru adeiladu cyfleusterau newydd fydd yn gallu trin ein gwastraff yn y dyfodol.

Er bod pob cyngor yng Nghymru wedi ymroi i ailgylchu 70 y cant o’n gwastraff, bydd angen i ni ddatblygu cyfleusterau newydd sy’n gallu trin y gwastraff sy’n weddill.

Mae hynny’n golygu gweddnewid ein rhwydweithiau. Bydd angen ymdrech genedlaethol enfawr i greu Cymru ddiwastraff a bydd y camau angenrheidiol yn cynnwys neilltuo adeiladau a chreu cyfleusterau i ddatblygu technolegau newydd.

Mae cynghorau ledled Cymru yn dod ynghyd mewn partneriaethau rhanbarthol i gyflawni’r dasg yma. Diben hyn yw lleihau’r gwastraff sy’n cael ei greu ym mhob rhanbarth yn y modd mwyaf cynaladwy, cost-effeithiol ac ymarferol.

Gall pawb gyfrannu at ddatblygu rhwydwaith newydd ar gyfer trin gwastraff. Boed ar lefel Ewropeaidd, cenedlaethol a rhanbarthol, neu yn ein cynghorau a’n cymunedau lleol – mae gan bawb lais.

Cewch wybod rhagor am ddatblygu cyfleusterau gwastraff rhanbarthol drwy ddarllen Rhaglen Caffael Rhwydwaith Gwastraff.

Mae Cymru am weithio fesul rhanbarth er mwyn datblygu cyfleusterau newydd i drin bwyd dros ben a gwastraff na allwn ei ailgylchu.