Newyddion

Wrth i’r Pasg agosáu, bydd llawer ohonom yn dechrau meddwl am wyau Pasg a bydd tua 80 miliwn o wyau siocled yn cael eu prynu yn y DU yn ystod y cyfnod hwn. Eleni, heb geisio atal mwynhad siocled-garwyr y genedl, mae Cynllun Craff am Wastraff yn gofyn i bobl geisio lleihau’r deunydd pacio gwastraff sy’n cael ei greu gan yr wyau siocled hyn.

Mae’r gwanwyn yn agosáu ac mae llawer o bobl eisoes yn meddwl am gael gwared â phethau o’r cartref. Gan fod cynllun ‘Craff am Wastraff’ yn dathlu ei ben-blwydd yn bump oed y mis hwn - digwyddiad sy’n cael ei ddathlu’n draddodiadol ag anrhegion wedi’u gwneud o bren - gofynnir i bobl ystyried ailddefnyddio eu hen eitemau dodrefn yn hytrach na mynd â nhw i safleoedd tirlenwi.

Bydd mamau o Fôn i Fynwy yn cael eu sbwylio ar 2 Mawrth eleni, sef diwrnod Sul y Mamau. Maen nhw’n haeddu hynny yn sgil eu gwaith caled drwy’r flwyddyn. Felly, mae cynllun ‘Craff am Wastraff’ wedi creu rhestr o syniadau ar gyfer y diwrnod arbennig hwn - anrhegion a fydd yn plesio’ch mam ac yn helpu i leihau’r holl wastraff sy’n llenwi safleoedd tirlenwi drannoeth y dathlu.

Gyda Dydd Santes Dwynwen a Diwrnod Sant Ffolant yn prysur agosáu, bydd miliynau ohonom yn dathlu’r achlysur trwy anfon un o’r 13 miliwn o gardiau serch sy’n cael eu prynu yn y DU bob blwyddyn.

Mae’r Nadolig drosodd am flwyddyn arall, a ninnau yng nghanol gaeaf noethlwm. A thra bod trip siopa fel arfer yn ddigon i godi’r ysbryd ar adeg digon diflas o’r flwyddyn, efallai bod angen ailfeddwl sut i ailwampio’r cwpwrdd dillad ar ôl yr holl wario dros dymor y gormodedd.

Gyda’r addurniadau wedi’u cadw a’r frechdan dwrci olaf wedi’i bwyta, mae’r Nadolig wedi dod i ben am flwyddyn arall – ac efallai bod ein dewis o anrhegion yn dechrau colli eu hapêl.

Heddiw (11 Rhagfyr), bu’r Gweinidog dros yr Amgylchedd, Cynaliadwyedd a Thai yn Ysgol y Berllan Deg yng Nghaerdydd, un o’r Eco-Sgolion diweddaraf yng Nghymru i ennill y radd amgylcheddol uchaf a chartref seren ymgyrch hysbysebu ddiweddaraf cynllun ‘Craff am Wastraff’.

“Gallai ailgylchu un botel wydr arbed digon o egni i oleuo bwlb golau am bron i awr”, “Gallai haneru ein gwastraff bwyd gael yr un effaith ar ollyngiadau CO2 â chymryd miloedd o geir oddi ar y ffordd” - dyma rai o negeseuon pwerus ymgyrch newydd a lansiwyd heddiw (dydd Llun, 3 Rhagfyr) gan cynllun ‘Craff am Wastraff’.

Heddiw, lansiodd cynllun Craff am Wastraff, y sefydliad sy’n ein hannog i arbed, ailddefnyddio ac ailgylchu ein gwastraff, ei ymgyrch gyntaf erioed i gymell aelwydydd ledled y wlad i geisio taflu llai o wastraff bwyd.

Mae targedau statudol a osodwyd ar gyfer gwaredu gwastraff yn golygu bod angen brys am gyfleusterau gwastraff newydd yng Nghymru i drin y gwastraff sy’n weddill (sef y sbwriel sy’n weddill wedi i ailgylchu a chompostio ddigwydd). Mae Llywodraeth Cynulliad Cymru’n credu’n gryf y dylai pobl Cymru fod yn rhan o ddatblygu gwasanaethau rheoli gwastraff y wlad i’r dyfodol. O ganlyniad mae’r Grwpiau Gwastraff Rhanbarthol (gogledd, de-ddwyrain a de-orllewin Cymru) wedi lansio cyfnod ymgynghori deg wythnos, yn cychwyn yr wythnos hon, sy’n chwilio’n weithredol am farn pobl Cymru.

Arswyd y byd! Mae’r gwrachod ar ein gwarthaf unwaith eto … ac wrth i filoedd fynd ati i gerfio’u pwmpenni, rydyn ni’n annog Cymru gyfan i wneud mwy na chodi twrw eleni.

Er nad yw materion amgylcheddol o bosibl yn cael eu hystyried yn flaenoriaeth gan fyfyrwyr, mae’n ymddangos bod llawer o fyfyrwyr Cymru’n mabwysiadu agwedd gymharol werdd at eu hastudiaethau a’u ffordd o fyw.

Mae ysgolion o bob cwr o Gymru wedi bod yn cymryd rhan mewn cynlluniau ailgylchu ers blynyddoedd, o gasglu tuniau alwminiwm i ailgylchu papur. Ond yn ôl y cynllun ‘Craff am Wastraff’, mae angen gwneud mwy os ydyn ni am lwyddo i newid y ffordd yr ydym yn rheoli’n gwastraff.

Mae Jane Davidson Aelod Cynulliad, Gweinidog newydd Llywodraeth Cynulliad Cymru dros Gynaliadwyedd a Thai, yn annog ymwelwyr â Sioe Frenhinol Cymru eleni i ailgylchu eu sbwriel gartref ac oddi cartref.

Gyda gwahoddiadau lu wedi’u hanfon i gartrefi ledled Cymru, mae tymor y priodasau wedi cyrraedd unwaith eto – ac eleni mae pobl yn darganfod sut y gall y briodas fwyaf smart fod yn arbennig i’r cwpl sy’n priodi ac yn fwy caredig i’r amgylchedd.

Bob Geldof yw’r seren ‘fwyaf gwyrdd’, yn ôl arolwg newydd a gynhaliwyd ymysg pobl Cymru. Cafodd y Tywysog Siarl, Sting, Al Gore a Chris Martin eu henwi hefyd yn llysgenhadon gwyrdd fel rhan o ymchwil a gynhaliwyd i nodi Wythnos Ailgylchu (2-8 Mehefin).

Mae trefnwyr Eisteddfod yr Urdd, Eisteddfod Gerddorol Ryngwladol Llangollen a’r Sioe Fawr wedi addo ailgylchu mwy o wastraff yn eu digwyddiadau, gydag arweiniad gan ddau sefydliad amgylcheddol blaenllaw.

Mae safleoedd tirlenwi ar hyd a lled y wlad yn prysur lenwi ond mae cynllun Craff am Wastraff yn annog pobl i fynd ati nid yn unig i helpu osgoi anfon miliynau o dunelli o wastraff i safleoedd tirlenwi bob blwyddyn ond i greu gerddi sy’n fôr o flodau hefyd!Mae cynllun Craff am Wastraff yn cefnogi Wythnos Ymwybyddiaeth o Gompostio (6 – 12 Mai) – wythnos a sefydlwyd gan y Gymdeithas Gompostio - ac mae’n awyddus i ddangos i bobl Cymru bod compostio’n ffordd wych o wneud eich rhan dros yr amgylchedd.

Y rhoddion traddodiadol ar gyfer dathlu pedwerydd pen-blwydd yw ffrwythau a blodau - ond mae cynllun ‘Craff am Wastraff’ wedi mynd ati i ddathlu ei bedwerydd pen-blwydd mewn ffordd go wahanol, trwy gyflwyno llond bwced o wastraff ffrwythau a hen flodau i’r arbenigwr bywyd gwyllt a’r seren deledu Iolo Williams… ynghyd ag abwydfa i gael gwared arnyn nhw.

Mae’r Pasg yn gallu bod yn amser i gyfarfod teulu a ffrindiau ac i fwynhau ŵy Pasg neu ddau os ydych chi’n lwcus. Ond mae ein hoffter ni o bethau melys yn golygu ein bod ni yma yng Nghymru ac yng ngweddill y DU yn cynhyrchu’r swm aruthrol o 4,500 tunnell yn fwy o wastraff dros gyfnod y Pasg, diolch i’r holl ffoil a’r cardbord sydd yn y deunydd pacio wyau Pasg yn unig.