Amdanon ni

Cynllun 'Craff am Wastraff'

Mae Cynllun 'Craff am Wastraff' yn ymgyrch genedlaethol i newid ymddygiad defnyddwyr. Mae’r cynllun yn gweithredu dan nawdd Llywodraeth Cymru ers 2002, gan hyrwyddo’r camau y gall pobl eu cymryd i helpu i reoli’n hadnoddau naturiol yn fwy cynaladwy. 

Mae negeseuon ein hymgyrch yn tynnu sylw at bwysigrwydd arbed, ailddefnyddio, ailgylchu ac adennill gwastraff.  

At hynny, rydyn ni’n cynnal ymgyrch ‘Ailgylchu dros Gymru’ sy’n cyfuno hysbysebion yn y cyfryngau ag ymgyrchoedd codi ymwybyddiaeth ar lawr gwlad.

Prif negeseuon Cynllun 'Craff am Wastraff':

Arbed/Ailddefnyddio
Mae’n hawdd arbed gwastraff neu ailddefnyddio’r gwastraff rydyn ni’n ei greu gartref.  O wastraffu llai, byddwn ni’n arbed arian ac adnoddau ac yn helpu i ddiogelu’r amgylchedd.

Ailgylchu
Mae ailgylchu’n effeithiol.  Bydd pob peth rydych chi’n ei ailgylchu’n diogelu rhan o’n planed ar gyfer y dyfodol achos mai dim ond hyn a hyn o adnoddau naturiol sydd yma.

Trin gwastraff
Mae gwastraff yn adnodd, hefyd.  O ddatblygu ffyrdd newydd o drin gwastraff, byddwn ni’n gallu troi gwastraff nad oes modd ei ailgylchu yn ffynhonnell gadarn o ynni adnewyddadwy.  Allwn ni ddim parhau i gladdu mwy a mwy o wastraff.

Cymryd rhan
Fydd cynlluniau ailgylchu ddim yn llwyddo os nad oes neb yn cymryd rhan ynddyn nhw.  Mae angen inni wneud rhagor.  I gwtogi ar garbon, rhaid inni i gyd ailgylchu cymaint ag y gallwn ni cyn amled ag y gallwn ni.

O arbed, ailddefnyddio ac ailgylchu deunyddiau, gallwch chi effeithio'n fawr ar yr amgylchedd nawr ac yn y dyfodol... ac mae mor hawdd!

Mae Llywodraeth y Cynulliad yn ariannu Cynllun 'Craff am Wastraff' ers 2002 i roi gwybodaeth swyddogol i'r cyhoedd, trwy'r wefan yma a dulliau eraill, am reoli deunyddiau ac adnoddau'n fwy cynaladwy a chwtogi ar wastraff.

 

 

Cliciwch yma am restr o bartneriaid Cynllun Craff am Wastraff

Mae rhagor amdanon ni ar: