Ysgol Glan Morfa Samba

Yn Ysgol Glan Morfa yn Sblot, Caerdydd, mae’r disgyblion wedi bod yn treulio’r ychydig wythnosau diwethaf yn casglu caniau gwag, poteli plastig, hen lwyau pren a hen sosbenni i greu offerynnau ar gyfer eu prosiect band samba. Roedd yr athrawes gerdd, Morwena Lansley, eisiau dysgu ei disgyblion Blwyddyn 4 am rythmau samba a chafodd y syniad y byddai gwneud eu hofferynnau eu hunain hefyd yn gyfle i’r plant feddwl am y 3 ‘A’ - arbed, ailddefnyddio ac ailgylchu.

Gofynnodd Morwena i gynllun ‘Craff am Wastraff’ am gyngor ar ble i ddod o hyd i gasgenni plastig mawr i wneud y drymiau. Aeth y disgyblion ati yn y dosbarth i wneud eu hofferynnau gyda help Morwena ac ar ôl gorffen y prosiect, byddant yn perfformio’r gerddoriaeth y maen nhw wedi ei chyfansoddi i weddill yr ysgol.

Meddai Morwena: "Mae’r prosiect hwn wedi bod yn gyfle gwych i ddangos i’r disgyblion bod modd rhoi bywyd newydd i eitemau nad ydyn ni eu hangen mwyach - drwy ddod o hyd i ddefnydd arall ar eu cyfer neu drwy eu rhoi mewn bagiau gwyrdd fel y gallan nhw gael eu troi yn rhywbeth newydd.

"Mae’r plant wedi bod wrth eu bodd yn gwneud yr offerynnau ac maen nhw’n edrych ymlaen yn fawr at gael perfformio o flaen eu ffrindiau."