Ffoniwch eich awdurdod lleol i gael gwybod beth y gallwch chi ei ailgylchu ac ymhle

Faint o sbwriel mae Cymru'n ei ailgylchu?

Dim ond 12.6% o sbwriel ein cartrefi ailgylchodd cynghorau Cymru ar gyfartaledd yn 2003. Cododd hynny at 17.6% yn 2003-04 ond, er gwaetha'r cynnydd, mae Cymru yn dal i wynebu her sylweddol o ran cyrraedd y targed ailgylchu gwladol o 40% erbyn 2010. Mae'n bwysig inni helpu timau gwastraff ein cynghorau ac ailgylchu cymaint ag y bo modd. Yn ôl ffigurau diweddar, 23% o wastraff trefol gafodd ei ailgylchu neu ei gompostio yn 2005-06, o'i gymharu â 12.6% yn 2002-03.